我發覺..我每次願意入黎xanga打野..通常都有d唔太開心既事情發生左= =
可能我喜歡將d唔開心既記憶留住啦..
距離我"脫苦海"既日子只係剩低9日咋..但係自己好似近黎先開始發奮
不過點都唔算遲..因為係我曾經摯愛既acct黎緊^^

面對住成床都係acct notes..千千萬萬個franda so係度..感覺...唔錯
可惜既係唔知個天係咪永遠都鍾意玩人..我隻手已經係第4日痛到唔可以用力啦
考bs前兩日我已經一粒字都冇寫過..希望隻手可以盡快恢復元氣
點知情況不但冇好轉過..考完bs隻手簡直係廢左 = ="

果日考完paper 1..隻手都不停咁震..好似食左藥咁..想稍為用d力去做d野都冇
到左paper 2..仲要寫左成5千字先完成..手掌上既每一個關節位都係度叫救命
諗住搵凍水沖下隻手..好似比火燒黎咁..隻手好似好唔係我既??
仲慘過不停咁做運動><
我好想隻手可以快d好番呀..我要做數呀!!!!

2010..1個整數..代表著好多野~
我搬左出黎市區足足10年..見證著自己由一個未開竅,天真到死既小朋友長大至今
20歲女..過左人生既四分一到既時間..但自己好似仲未識醒..傻下傻下咁
我知我自己唔可以咁落去..雖然距離al剩低既時間唔多..但係都好似唔知死
唉..我知嘆氣都冇用,,自己唔勤力的話,,邊個都幫唔到我..

恰恰考完daniel果mock..佢比左3次機會我地考..我考左2次..成績??差得很!!
今次係第2次..諗住自己可以準備好d先去考..至少都睇過一次d notes呀
但係琴日溫到3點..都溫唔哂= =覺得自己好失敗..點解會咁架?

咁我補習黎做咩?我好似waste緊d$, 係同學仔既眼中我係一個好勤力讀書既人
不過我其實只係同佢地一樣都係到hea緊

我好開心可以識到呢班好好既同學仔..雖然大家既成績唔好..都好懶散..
不過我地一齊玩既每一刻都好開心..08年我以為自己係應該要努力讀書..咩都唔好理就最好
係你地..令我知道人生除左讀書仲有好多野既..

其實我開始get到咩係讀書時讀書,遊戲時遊戲啦~~雖然呢句野睇黎好易..不過對於我還未學懂怎樣有良好既時間分配黎講..呢句說話係好重要~~

今日番屋企既途中見到一大班人圍住係條樓梯到..行落去睇下發生緊咩事..
原來有個婆婆滾左落樓梯..訓左係度
見到有人即刻報左警..但自己只係一個圍觀者..因為我呆左
我發覺自己今年遇多左呢d突如其來既意外..之前學校打打下籃球有人打到爆頭..宜家又有人跌親..
但係自己完全唔識得點處理..上前慰問一下都唔識
我有時好憎我自己..點解會有咁既我??
但我都比唔到答案我自己..有時壓力可能就係咁黎= ="(突然好想喊)

記得之前有人同我講過..每一個新開始都應該為自己訂立一個目標
所以希望自己新一年既目標可以做到啦~~

26/6/2009

woo..好耐都冇入過xanga啦

睇番原來已經差唔多有成2個月既時間啦~~今日是一個非常值得amrk低既日子

唔係我生日..亦都唔係有咩好特別既事..是我終於完成左份80Kjourney and 事工plan x1.5份啦

好想好想記低呢個日子..呢種感覺好似考完al咁爽..不過係到等緊一個未知既成績咁

我唔會忘記同隊員們一起開通宵嘔3份plan出黎既感覺..由宜家起...我地要並肩作戰直到交埋log既日子

路程需要頗為漫長..不過切勿忘記我地有<<漫步人生路>>陪我地行呀

今次仲多左張學友陪添..真係越諗越興奮!!

 

開始停課既日子我用左2日黎做plan啦..不枉我waste咁多時間係呢份野到

個滿足感好大呀~不過係時候要收拾心情..執番好將書檯..拎番d notes出黎溫啦

 

聽日開始一個小型pre trip ..非常期待..

亦都奇侍聽日GM可以傾到D咩特別的暑期活動啦~~

好想...真的好想^^